Ceisio am Arian

Gallwch nawr lawrlwytho a darllen ein Canllawiau Ariannu a gwneud cais am arian ar-lein.

Mae Grantiau’r Celfyddydau i Sefydliadau yn darparu cymorth amserol wedi’i dargedu i sefydliadau’r celfyddydau sydd â’u canolfan yng Nghymru ac sy’n gweithio’n bennaf yng Nghymru.

Rydym eisiau eu galluogi i gyflawni’u potensial artistig a chynnig profiadau creadigol o’r ansawdd uchaf posibl i bobl Cymru.

Fe allwn dderbyn ceisiadau gan sefydliadau y tu allan i Gymru, lle gallant argyhoeddi y bydd eu prosiect o fudd i artistiaid a chynulleidfaoedd yng Nghymru.

Grantiau Bychain

Mae’r grantiau hyn yn agored i geisiadau unrhyw bryd ac maent ar gyfer prosiectau sydd angen hyd at £5000 gennym. Cynigiwn:

• Grant Bychain
• Grantiau Bychain ar gyfer Ymchwil a Datblygu
• Grant Bychain ar gyfer Hyfforddiant

Grantiau Mawrion

Mae Grantiau Sylweddol yn agored i geisiadau bedair gwaith y flwyddyn ac maent ar gyfer prosiectau sydd angen dros £5,000 o bunnau gennym. Cynigiwn:

• Grant Mawrion
• Grant Mawrion ar gyfer Hyfforddiant,
• Grant Mawrion - Gwyliau
• Grant Mawrion - Datblygu’r Diwydiant Cerddoriaeth
• Grant Mawrion - Teithio Cenedlaethol (Hydref 2013 a Ionawr 2014 yn unig)
• Grant Mawrion - Datblygu Cynyrchiadau Theatr a Dawns

Y dyddiadau cau ar gyfer 2013/14 yw:

• Dydd Gwener 17 Mai 2013
• Dydd Gwener 26 Gorffennaf 2013
• Dydd Gwener 11 Hydref 2013
• Dydd Gwener 24 Ionawr 2014

Rhaglen Cyfalaf y Loteri

Mae arian Cyfalaf y Loteri ar gael i geisio amdano ar unrhyw adeg. Ar gyfer prosiectau sydd angen mwy na £50,000 bydd angen cwblhau ffurflen Gofrestru Prosiect syml. Cynigiwn:

• Pwrcasu offer
• Ffurflen Cofrestru Prosiect
• Prosiectau cyfalaf bach
• Astudiaethau dichonoldeb

Eich cais

Os ydych yn anabl neu os na allwch ddefnyddio cyfrifiadur, cysylltwch â ni. Fe wnawn ni weithio gyda chi i ddod o hyd i ffyrdd eraill i chi wneud cais sy’n fwy addas at eich anghenion penodol.

Cysylltu â ni

Gallwch gysylltu â ni mewn nifer o ffyrdd:

• dros y ffôn 9am-5pm Llun - Gwener ar 0845 873 4900 – am bris galwadau lleol
• drwy SMS - 07797800504 (Codir tâl am negeseuon yn ôl eich graddfa rhwydwaith safonol yn unig)
• drwy’r e-bost at gwybodaeth@cyngorcelfyddydaucymru.org.uk