Ariennir Dyfarniadau Cymru Greadigol gan Gyngor Celfyddydau Cymru a'r Loteri a chynigir hyd at £25,000 i artistiaid Cymru bob blwyddyn. Yn 2011/12 cafodd yr 22 artist gyfanswm o £400,000. Gan gydnabod cyfraniad artistiaid, cynyddodd y Cyngor yr arian sydd ar gael i'r grantiau cystadleuol iawn gan £50,000 eleni. Mae'r grantiau'n galluogi'r artistiaid i arbrofi, mentro a chymryd eu gwaith ymlaen. Bwriad y grantiau yw datblygu rhagoriaeth drwy gynnig cyfnod o ymchwil a datblygiad i rai o artistiaid mwyaf diddorol Cymru.
Cadeiria David Alston Cyfarwyddwr Celfyddydau'r Cyngor, banel o Ymgynghorwyr Cenedlaethol, swyddogion y Cyngor a Llenyddiaeth Cymru sy'n dyfarnu'r grantiau. Cyfeiriodd David Alston at y safon eithriadol o uchel ymhlith y rhai a gafodd grantiau eleni:
"Roedd gan y panel dasg drom ond pleserus. Mae nifer o'n hartistiaid yn gwthio'r ffiniau. Dyna'r hyn y gall dyfarniad Cymru Greadigol ei gynnig - cyfle i unigolion archwilio er elw'r celfyddydau'n gyffredinol."
Y rhai a gafodd Grantiau Cymru Greadigol 20011/12 oedd:
Prif Grantiau Cymru Greadigol:
Dawns: Jo Shapland, Simon Whitehead
Drama: Steve Davis
Llenyddiaeth: John Williams
Cerddoriaeth: Lynne Plowman, Neil Yates
Y Celfyddydau Gweledol: Simon Fenoulhet, Miranda Whall, Craig Wood
Grantiau Cymru Greadigol (hyd at 12,000):
Celfyddyd Gymhwysol a Chrefft: Becky Adams, Duncan Ayscough, Ainsley Hillard, Jessica Lloyd-Jones, Tilla Waters
Dawns: Sandra Harnisch-Lacey
Drama: Jain Boon
Cerddoriaeth: John Rea
Y Celfyddydau Gweledol: Paul Emmanuel, Helen Griffin, Mark Gubb
Enwebir grantiau Llysgenhadon Cymru Greadigol a chydnabyddant gyflawniad unigol arwyddocaol ym maes y celfyddydau â'r nod o godi proffil ein diwylliant y tu allan i Gymru. Eleni roeddem wrth ein boddau i roi 2 grant, un i Claire Curneen ac un i Pamela Rawnsley. Caiff Claire y cyfle i archwilio casgliad helaeth Amgueddfa Iwerddon gan weithio'n agos gyda'i swyddogion i ddeall rhai gwrthrychau ac adlewyrchu hynny mewn gweithiau newydd. Caiff Pamela ymchwilio a chynhyrchu gwaith newydd mewn ymateb i amgylchfyd hollol wahanol - De Awstralia.
Llongyfarchodd yr Athro Dai Smith, Cadeirydd y Cyngor, yr artistiaid a enillodd grantiau eleni:
"Mae'n bleser inni allu cynyddu'r grantiau yn y dyddiau dreng hyn. Dyma un o uchafbwyntiau calendr celfyddydau Cymru. Credwn mewn cymryd risgiau ac nid oes dim yn fwy cyffrous na buddsoddi yng nghreadigrwydd unigolion difyr a heriol sy'n bywiogi'n cymdeithas. Bydd elw mewn sawl ffordd o'r buddsoddiad hwn. Darparwn o hyd gyfle ac amser i ddatblygu'r talentau eithriadol hyn. "
Am ragor o wybodaeth a chyfle i gyfweld â'r artistiaid cysylltwch â Siân James, ar 07812 801356.
Twitter
Facebook
Vimeo